სრული პასუხისმგებლობით ვამბობ: “ქართული ოცნების“ გუნდის არცერთი წევრი არცერთ დიპლომატს და ბიუროკრატს თავს არ ესხმის - ჩვენ მხოლოდ ტყუილს ვამხელთ! პირიქით, ჩვენ საქართველოს ინტერესებზე თავდასხმას ვამხელთ, რასაც მომავალშიც გავაგრძელებთ, - ეს განცხადება პარლამენტის პლენარულ სხდომაზე “ქართული ოცნების“ დეპუტატმა არჩილ გორდულაძემ გააკეთა.

გორდულაძემ ამავე კონტექსტში აღნიშნა, რომ “ქართული ოცნება“ მათ შორის შიდა საქმეებში ჩარევას ამხელს, როგორიცაა, კონკრეტული ელჩის სასამართლო პროცესზე მისვლა და დასწრება.

“ეს ვენის კონვენციას არღვევს და არის ქვეყნის შიდა საქმეებში პირდაპირი ჩარევა. თუ ჩემი არ გჯერათ, ცოტა ხნის წინ ბელგიაში მომხდარი ფაქტი ნახეთ“, - განაცხადა გორდულაძემ.