იზა ომაძე - ნიკო კვარაცხელიას ვერაგული მკვლელობის საქმეზე არცერთი ადამიანი უკანონოდ არ დაისჯება, ჩემი შვილის თანატოლებს როგორ შემიძლია ბრალი რამეში დავდო - მოვითხოვ, ყველა დამნაშავე ფიგურანტი კანონის შესაბამისად დაისაჯოს
ნიკო კვარაცხელიას ვერაგული მკვლელობის საქმეზე არცერთი ადამიანი უკანონოდ არ დაისჯება, - აცხადებს მოკლული ნიკო კვარაცხელიას დედა, იზა ომაძე.
ამასთან, ომაძე მოითხოვს, რომ ყველა დამნაშავე ფიგურანტი - იქნება ეს მაღალჩინოსანი თუ დაბალჩინოსანი კანონის სრული დაცვით დაისაჯოს.
"მეგობრებო, ნიკო კვარაცხელიას ვერაგული მკვლელობის საქმეზე არცერთი ადამიანი უკანონოდ არ დაისჯება. ჩემი შვილის თანატოლებს როგორ შემიძლია ბრალი რამეში დავდო, მეტსაც გეტყვით, ჩვენთვის ტრაგედიაა რა კადრებსაც ვუყურებ!
მაგრამ მოვითხოვ, ყველა დამნაშავე ფიგურანტი, მაღალჩინოსანი თუ დაბალჩინოსანი, კანონის შესაბამისად დაისაჯოს!
უკანონობას არაფრით არ დავუშვებ! ჭელიძემ და კავილაძემ წერტილ-მძიმეთი ყველაფერი თავად დაფქვეს, ვიდეოც კი არსებობს!", - წერს იზა ომაძე სოციალურ ქსელში.
