დაბა ჩაქვში, სოფელ საჩინოსთან ხანძარია. ადგილობრივების ინფორმაციით, ცეცხლი ეკალ-ბარდზე არის გავრცელებული.

მათივე ცნობით, შემთხვევის შედეგად არავინ დაშავებულა. ადგილობრივები ამბობენ, რომ ხანძრის გავრცელებას ქარიც უწყობს ხელს.

როგორც “ინტერპრესნიუსს” საგანგებო სიტუაციების მართვის სამსახურში განუცხადეს, ადგილზე მაშველი-მეხანძრეები არიან მობილიზებული. უწყების ცნობით, საცხოვრებელ სახლებზე ხანძრის გავრცელების საშიშროება არ არის.