თქვენ ხედავთ, პარლამენტში მათ [„გახარია-საქართველოსთვის“] საქმიანობას, ინტელექტუალური რესურსი - ნული, ყველანაირი რესურსი-ნული. ლიდერი არის გაქცეული გერმანიაში. აბსოლუტურად არასერიოზულია ვითარება, რომელიც ამ პარტიაში არის შექმნილი, - ამის შესახებ პრემიერ-მინისტრმა, ირაკლი კობახიძემ განაცხადა.

ირაკლი კობახიძეს ჟურნალისტმა ჰკითხა: „რაზე მიუთითებს ფაქტი, რომ მიუნხენის კონფერენციიდან გიორგი გახარიას დასწრების ამსახველი ფოტოც არ უნახავს საზოგადოებას“, კობახიძემ უპასუხა, რომ „ყველაფერი არასერიოზულია“.

„აბსოლუტურად არასერიოზულია კონკრეტული ქმედებები, რასაც ვხედავთ მისი მხრიდან, მისი პარტიის მხრიდან. რესურსი - ნული! თქვენ ხედავთ, მათ შორის პარლამენტში მათ საქმიანობას, ინტელექტუალური რესურსი - ნული, ყველანაირი რესურსი - ნული. ლიდერი არის გაქცეული გერმანიაში, თავს აფარებს გერმანიას იმისთვის, რომ თავიდან აირიდოს შესაძლო სამართლებრივი პასუხისმგებლობა. ეს არის ამ პარტიის დღევანდელი მდგომარეობა. აბსოლუტურად არასერიოზულია ის ვითარება, რომელიც ამ პარტიაში არის შექმნილი“,-განაცხადა ირაკლი კობახიძემ.