კირილ ბუდანოვი აცხადებს, რომ აშშ-სა და რუსეთთან მოლაპარაკებების მორიგი რაუნდი მიმდინარე კვირაში გაიმართება
ველით, რომ აშშ-სთან და რუსეთთან მოლაპარაკებების მორიგი რაუნდი მიმდინარე კვირაში გაიმართება, - ამის შესახებ უკრაინის პრეზიდენტის ადმინისტრაციის ხელმძღვანელმა, კირილ ბუდანოვმა განაცხადა.
„ვფიქრობ, ეს უკვე ოფიციალურად გამოცხადდა, რომ 27 თებერვლისთვის იქნება. პლუს-მინუს ერთი ან ორი დღე. 26 თებერვალი ამ ვადაში ჯდება“, - განაცხადა ბუდანოვმა.
მისი თქმით, უკრაინული მხარე ახლა მზადების პროცესშია.
„ეს პროტოკოლის საკითხია და სამივე მხარემ უნდა შეათანხმოს. თუმცა, ჩვენ ვემზადებით“, - აღნიშნა უკრაინის პრეზიდენტის ადმინისტრაციის ხელმძღვანელმა.
