გერმანიის საგარეო საქმეთა მინისტრის იოჰან ვადეფულის განცხადებით, გერმანია მზადაა, უკრაინაში ხანგრძლივი მშვიდობის მისაღწევად რუსეთთან მოლაპარაკებები აწარმოოს, თუმცა არა დათმობაზე წასვლისთვის.

„პირველ რიგში, რა თქმა უნდა, უკრაინამ უნდა ისაუბროს, თუმცა გერმანია მოლაპარაკებებისთვის მზადაა. ჩვენ არ გვაქვს მოსკოვში წასვლისა და იქ დათმობებზე წასვლის განზრახვა. ეს არ მოხდება. თუ სროლა შეწყდება და მოლაპარაკებების სერიოზული სურვილი იქნება, ჩვენ აუცილებლად მივიღებთ მონაწილეობას“, - განაცხადა გერმანიის საგარეო საქმეთა მინისტრმა.

მისი თქმით, გერმანია რუსეთის პრეზიდენტ ვლადიმერ პუტინს ხვეწნა-მუდარით არ გაედევნება.

„ველით, რომ, საბოლოოდ, გონივრული წინადადებებიდან სულ მცირე ერთს მიიღებენ“, - განაცხადა გერმანიის საგარეო საქმეთა მინისტრმა.

მან ასევე უარყო მოწოდებები, მათ შორის გერმანიის სოციალ-დემოკრატიული პარტიის მხრიდან, პუტინთან ცეცხლის შეწყვეტის შესახებ მოლაპარაკებების უფრო აქტიურად წარმართვის შესახებ.

„კომუნიკაციის საკმარისი არხები უკვე არსებობს. თუმცა, არცერთი არხი არ იქნება სასარგებლო, თუ მას საუბარი არ სურს“, - აღნიშნა ვადეფულმა.