ევროკომისიის პრეზიდენტის ურსულა ფონ დერ ლაიენის განცხადებით, ევროპული ინსტიტუტების შენობები უკრაინის დროშის ფერებში განათდა.

„ევროპულ ინსტიტუტებს უკრაინის ფერებით ვამკობთ. ორი ფერი, რომელიც გამბედაობის სულისკვეთებას ასხივებს. ორი ფერი, რომელიც წინააღმდეგობით იწვის. რუსეთის სრულმასშტაბიანი ომის დაწყებიდან ოთხი წლის შემდეგ, ეს ფერები უფრო კაშკაშაა, ვიდრე ოდესმე. სლავა უკრაინი”, - წერს ევროკომისიის პრეზიდენტი.

ევროპული საბჭოს განცხადებით, საბჭოს შენობა, უკრაინისადმი სოლიდარობის ნიშნად, ლურჯ და ყვითელ ფერებში განათდა.

„ევროკავშირი გააგრძელებს უკრაინის გვერდით დგომას და ყოვლისმომცველი, სამართლიანი და მდგრადი მშვიდობის მხარდაჭერას“, - აღნიშნულია ევროპული საბჭოს განცხადებაში.