ოთხი წელია ყოველი დღე და ყოველი ღამე უკრაინელებისთვის კოშმარია და არა მხოლოდ მათთვის, არამედ ყველა ჩვენგანისთვის, რადგან ევროპაში ომი დაბრუნდა, - ასე ეხმაურება გერმანიის კანცლერი ფრიდრიხ მერცი რუსეთ-უკრაინის ომის მეოთხე წლისთავს.

მერცი ხაზს უსვამს, რომ ომის დასრულება მხოლოდ ერთიანი ძალით არის შესაძლებელი.

„მხოლოდ ერთიანი ძალით დავასრულებთ მას. რადგან უკრაინის ბედი ჩვენი ბედია“, - წერს გერმანიის კანცლერი.

შეგახსენებთ, რუსეთ-უკრაინის ომის დაწყებიდან ოთხი წელი გავიდა - რუსეთმა უკრაინაში სრულმასშტაბიანი შეჭრა 2022 წლის 24 თებერვალს დაიწყო.