დიდმა ბრიტანეთმა უკრაინისთვის სამხედრო და ჰუმანიტარული დახმარების ახალი პაკეტი გამოყო, - ამის შესახებ განცხადებას დიდი ბრიტანეთის მთავრობა ავრცელებს.

„პუტინის სრულმასშტაბიანი შეჭრის მეოთხე წლისთავზე დიდი ბრიტანეთი უკრაინის მხარდაჭერას აძლიერებს“, - ნათქვამია განცხადებაში.

განცხადების თანახმად, დიდი ბრიტანეთის პრემიერ-მინისტრი, კირ სტარმერი დღეს „მსურველთა კოალიციის“ შეხვედრას უხელმძღვანელებს, ხოლო საგარეო საქმეთა მინისტრი, ივეტ კუპერი კიევს ეწვევა.

„ამ მძიმე წლისთავზე, უკრაინელი ხალხისთვის ჩვენი გზავნილი მარტივია: დიდი ბრიტანეთი თქვენს გვერდით დგას. ჩვენ უკრაინის მხარდაჭერას გავაგრძელებთ მანამ, ვიდრე ეს საჭირო იქნება“, - აცხადებს კირ სტარმერი.

დიდი ბრიტანეთის მთავრობის მიერ გამოცხადებული პაკეტი უკრაინისთვის ენერგეტიკული დახმარების სახით 20 მილიონ გირვანქა სტერლინგს შეიცავს. ასევე, დახმარება უკრაინის საზოგადოების მხარდასაჭერად 30 მილიონი გირვანქა სტერლინგის გამოყოფას ითვალისწინებს.