გერმანიას ჩინეთთან თანამშრომლობის გაღრმავება სურს, - ამის შესახებ გერმანიის კანცლერმა, ფრიდრიხ მერცმა პეკინში, ჩინეთის პრემიერ-მინისტრთან, ლი ციანთან შეხვედრაზე განაცხადა.

„არსებობს თანამშრომლობის საკითხები, რომელთა შესახებაც შეშფოთებას გამოვხატავთ, მაგრამ გვსურს თანამშრომლობა უფრო სამართლიანი გახდეს და გაუმჯობესდეს“, - განაცხადა ფრიდრიხ მერცმა.

ამასთან, ჩინეთის პრემიერ-მინისტრმა, ლი ციანმა აღნიშნა, რომ გერმანიასთან თანამშრომლობას მულტილატერალიზმისა და თავისუფალი ვაჭრობის დაცვის მიზნით დიდი მნიშვნელობა აქვს.

„ჩინეთმა და გერმანიამ, როგორც ორმა უდიდესმა ეკონომიკამ და დიდი გავლენის მქონე ქვეყნებმა, ნდობა უნდა გააძლიერონ და სამართლიანი გლობალური მმართველობის სისტემის შექმნის მიზნით ერთად უნდა იმუშაონ“, - აღნიშნა ჩინეთის პრემიერ-მინისტრმა.