დანიაში საპარლამენტო არჩევნები 24 მარტს გაიმართება
დანიაში საპარლამენტო არჩევნები 24 მარტს გაიმართება, - ამის შესახებ დანიის პრემიერ-მინისტრმა, მეტე ფრედერიკსენმა გამოაცხადა.
„ეს გადამწყვეტი მნიშვნელობის არჩევნები იქნება, რადგან მომდევნო ოთხი წლის განმავლობაში, ჩვენ, როგორც დანიელებს, ასევე ევროპელებს, აშშ-თან ურთიერთობის განსაზღვრა მოგვიწევს“, - განაცხადა მეტე ფრედერიკსენმა.
მისი თქმით, „კონტინენტზე მშვიდობის უზრუნველყოფისთვის ევროპის გადაიარაღება უნდა მოხდეს“.
ცნობისთვის, დანიას 2022 წლის შემდეგ კოალიციური მთავრობა მართავს, რომელიც მეტე ფრედერიკსენის „სოციალ-დემოკრატებისგან“, საგარეო საქმეთა მინისტრის ლარს ლოკე რასმუსენის „მოდერატებისგან“ და თავდაცვის მინისტრის ტროელს ლუნდ პოულსენის მემარჯვენე-ცენტრისტული „ლიბერალური პარტიისგან“ შედგება.
