ირანელმა ხალხმა ქვეყანა უნდა დაიბრუნოს, - ამის შესახებ განცხადებას ირანის უკანასკნელი შაჰის ვაჟი და მემკვიდრე პრინცი, რეზა ფეჰლევი ავრცელებს.

„ძვირფასო თანამემამულეებო, წინ გადამწყვეტი მომენტი გველის. ამერიკის შეერთებული შტატების პრეზიდენტის მიერ ირანელი ხალხისთვის დაპირებული დახმარება მოვიდა. ეს ჰუმანიტარული ჩარევაა და მისი სამიზნე ისლამური რესპუბლიკაა და არა ირანელი ხალხი“, - აცხადებს რეზა ფეჰლევი.

მისი თქმით, აშშ-ის დახმარების მიუხედავად, საბოლოო გამარჯვებას ირანელმა ხალხმა თავად უნდა მიაღწიოს.

„ამ საბოლოო ბრძოლაში საქმეს ჩვენ, ირანელი ხალხი დავასრულებთ. ქუჩებში დაბრუნების დრო ახლოვდება“, - აღნიშნავს ფეჰლევი.