„ირანის რევოლუციის გუშაგთა კორპუსი” აცხადებს, რომ აშშ-ის ავიამზიდ „აბრაამ ლინკოლნს“ ბალისტიკური რაკეტებით დაარტყა. ეს ტყუილია, - ამის შესახებ აშშ-ის ცენტრალური სარდლობის მიერ გავრცელებულ განცხადებაშია აღნიშნული.

„„ლინკოლნზე“ დარტყმა არ განხორციელებულა. გაშვებული რაკეტები ახლოსაც კი არ მისულა. „ლინკოლნი“ აგრძელებს თვითმფრინავების გაშვებას ცენტრალური სარდლობის დაუნდობელი კამპანიის მხარდასაჭერად, რომლის მიზანი ირანის რეჟიმის მხრიდან მომდინარე საფრთხეების აღმოფხვრით ამერიკელი ხალხის დაცვაა“, - აღნიშნულია განცხადებაში.

„ირანის ისლამური რევოლუციის გუშაგთა კორპუსის“ განცხადებით, აშშ-ის საზღვაო ძალების ავიამზიდს, „აბრაამ ლინკოლნს“ (USS Abraham Lincoln) ოთხი ბალისტიკური რაკეტით დაარტყეს.