ამერიკის შეერთებულმა შტატებმა, ბაჰრეინმა, იორდანიამ, ქუვეითმა, კატარმა, საუდის არაბეთმა და არაბთა გაერთიანებულმა საამიროებმა ერთობლივი განცხადება გაავრცელეს, რომელშიც ირანის მიერ მეზობელ ქვეყნებზე განხორციელებული სარაკეტო და დრონებით თავდასხმები დაგმეს.

„ისლამური რესპუბლიკის ქმედებები წარმოადგენს სახიფათო ესკალაციას, რომელიც არღვევს მრავალი სახელმწიფოს სუვერენიტეტს და საფრთხეს უქმნის რეგიონულ სტაბილურობას“, - ნათქვამია განცხადებაში.

ქვეყნები ხაზს უსვამენ, რომ მშვიდობიანი მოსახლეობის და იმ ქვეყნების მიზანში ამოღება, რომლებიც საომარ მოქმედებებში არ მონაწილეობენ, „უგუნური და დესტაბილიზაციის გამომწვევი საქციელია“.

„გაერთიანებულები ვდგავართ ჩვენი მოქალაქეების, სუვერენიტეტისა და ტერიტორიის დასაცავად და ვადასტურებთ ჩვენს თავდაცვის უფლებას ამ თავდასხმების წინაშე“, - აღნიშნულია განცხადებაში.