„ჯორჯიან უოთერ ენდ ფაუერის“ განცხადებით, კომპანია ვაკის რაიონში, თვალჭრელიძის ქუჩაზე წყალმომარაგების სტაბილურობისთვის ქსელზე აუცილებელ სამუშაოებს ატარებს, რის გამოც მოსახლეობის ნაწილს წყალმომარაგება შეეზღუდება.

როგორც კომპანიის განცხადებაშია აღნიშნული, წყალმომარაგება 4 მარტს 11:00 საათიდან 22:00 საათამდე შეიზღუდება.

„4 მარტს, „ჯორჯიან უოთერ ენდ ფაუერი“, ვაკის რაიონში, თვალჭრელიძის ქუჩა N13-თან წყალმომარაგების სტაბილურობისთვის ქსელზე აუცილებელ სამუშაოებს ჩაატარებს.

აღნიშნულთან დაკავშირებით, სამუშაოების მიმდინარეობის პერიოდში აუცილებელია მაგისტრალური ქსელის წყლისგან დაცლა, რის გამოც, 4 მარტის 11:00 საათიდან 22:00 საათამდე წყალმომარაგება შეეზღუდება:

ვაკის რაიონი: ფერმწერთა ქუჩას ჩიხებით და შესახვევებით, თვალჭრელიძის, ბანძელაძის, ზაალიშვილის, ტაბიძის, ბიწაძის, კვაჭაძის, კედარის, გაბუნიების, კაპანელის, ვარაზის და მიმდებარე ქუჩებს. ნუცუბიძის მე-2 და მე-4 მიკრორაიონების ნაწილს.

„ჯორჯიან უოთერ ენდ ფაუერი“ ბოდიშს უხდის მომხმარებლებს დისკომფორტისთვის.

წყალმომარაგების შეზღუდვისა და აღდგენის შესახებ ინფორმაციას, „ჯორჯიან უოთერ ენდ ფაუერი“ აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, „ფეისბუქისა“ და ვებგვერდის მეშვეობით http://www.gwp.ge“,-აღნიშნულია განცხადებაში.