გასულ წელს პირდაპირმა უცხოურმა ინვესტიციებმა შეადგინა 1 მლრდ 689 000 მლნ დოლარი, რაც 2024 შედარებით გაუმჯობესებული მაჩვენებელია, - ამის შესახებ საქართველოს პრემიერ-მინისტრმა ირაკლი კობახიძემ მთავრობის სხდომაზე განაცხადა.

პრემიერის თქმით, 119 მილიონი დოლარით, 7,6%-ით გაუმჯობესდა წლიური მაჩვენებელი, რაც მნიშვნელოვანია იმისათვის, რომ გაგრძელდეს ქვეყნის ეკონომიკური განვითარება.

„მინდა შევეხო ეკონომიკურ საკითხებს, გამოქვეყნდა საქსტატის მხრიდან პირდაპირი უცხოური ინვესტიციების წინასწარი მონაცემები 2025 წლისთვის. ამ მონაცემების მიხედვით, გასულ წელს ინვესტიციებმა შეადგინა 1 მლრდ 689 000 მლნ დოლარი, რაც 2024 შედარებით გაუმჯობესებული მაჩვენებელია. 119 მილიონი დოლარით, 7,6%-ით გაუმჯობესდა წლიური მაჩვენებელი. ეს მნიშვნელოვანია იმისათვის, რომ გაგრძელდეს ჩვენი ქვეყნის ეკონომიკური განვითარება.

ასევე, კიდევ ერთხელ უნდა აღინიშნოს, რომ იანვარში დაფიქსირდა 7,9% ეკონომიკური ზრდა, რაც გვიმყარებს ოპტიმისტურ მოლოდინებს იმასთან დაკავშირებით, რომ წელსაც, ისევე, როგორც წინა წლებში, ეკონომიკური ზრდის პროგნოზი გადაჭარბებით შესრულდება“, - განაცხადა პრემიერმა.