აჭარის უმაღლესმა საბჭომ ბიუროს სხდომა გამართა, რომელსაც უმაღლესი საბჭოს თავმჯდომარის მოვალეობის შემსრულებელი, რამაზ ჯინჭარაძე უძღვებოდა.

ბიუროს წევრებმა კომიტეტების შემადგენლობაში ცვლილების შეტანის შესახებ იმსჯელეს.

როგორც რამაზ ჯინჭარაძემ აღნიშნა, ფრაქცია „ქართული ოცნების“ წარდგინებით, უმაღლესი საბჭოს განათლების, მეცნიერების, კულტურისა და სპორტის საკითხთა კომიტეტის შემადგენლობას ტოვებს ამავე ფრაქციის თავმჯდომარე, გოგი ფუტკარაძე და მას დავით გაბაიძე ჩაანაცვლებს.

ფრაქცია „ქართული ოცნების“ თავმჯდომარე გოგი ფუტკარაძე რჩება საფინანსო-საბიუჯეტო და ეკონომიკურ საკითხთა კომიტეტის წევრად.

შეგახსენებთ, რომ აჭარის უმაღლესი საბჭოს თავმჯდომარე დავით გაბაიძე თანამდებობას ტოვებს, რის შესახებაც გაბაიძემ განცხადება დღეს გააკეთა. “ინტერპესნიუსის” ინფორმაციით, აჭარის უმაღლესი საბჭოს თავმჯდომარის პოზიციაზე, ერთ-ერთი კანდიდატად, ფრაქცია „ქართული ოცნების“ თავმჯდომარე გოგი ფუტკარაძე განიხილება.