აშშ-ის პრეზიდენტის დონალდ ტრამპის განცხადებით, მალე გაიგებს, შეუძლია თუ არა აშშ-ს ირანის პარლამენტის თავმჯდომარესთან მუშაობა.

აშშ-ის პრეზიდენტმა, დონალდ ტრამპმა New York Post-თან ინტერვიუში დაადასტურა, რომ ბოლო კვირების განმავლობაში ვაშინგტონი ირანის პარლამენტის თავმჯდომარეს, მოჰამედ ბაგერ ღალიბაფს ესაუბრება.

კითხვაზე, მზად არის თუ არა ღალიბაფი აშშ-სთან მუშაობისთვის, ტრამპმა უპასუხა, რომ „მალე გაიგებს“.

„ამის შესახებ დაახლოებით ერთ კვირაში შეგატყობინებთ“, - განაცხადა ტრამპმა.

ასევე, ტრამპის თქმით, ირანის უზენაესი ლიდერი, მოჯთაბა ხამენეი „მძიმედ არის დაშავებული“, თუმცა „ალბათ, ცოცხალია“.

„ვფიქრობთ, რომ ძალიან ცუდ მდგომარეობაშია“, - აღნიშნა აშშ-ის პრეზიდენტმა.