დიდი ბრიტანეთი საუდის არაბეთს, კატარსა და ბაჰრეინს კიდევ უფრო მეტ საჰაერო თავდაცვის სისტემებს გაუგზავნის. ამის შესახებ დიდი ბრიტანეთის თავდაცვის მინისტრმა, ჯონ ჰილიმ კატარის დედაქალაქ დოჰაში ვიზიტის დროს განაცხადა.

მისი თქმით, ბოლო რამდენიმე დღის განმავლობაში ნათელი გახდა, რომ “ირანი თავდასხმებს აფართოებს” და დიდი ბრიტანეთი მეტ საჰაერო თავდაცვის სისტემებს გაუგზავნის საუდის არაბეთს, კატარსა და ბაჰრეინს.

მან ასევე აღნიშნა, რომ ბრიტანული Typhoon-ის თვითმფრინავები ოპერაციების განხორციელებას გააგრძელებენ კატარში. კატარში ვიზიტის დროს ჰილიმ ასევე მესიჯი გადასცა სპარსეთის ყურის ქვეყნებს, რომ დიდი ბრიტანეთი “გვერდში გიდგათ თქვენ და გვერდში დაუდგება თავის პარტნიორებს”.