ებრაელები ფესახს აღნიშნავენ. აღნიშნულთან დაკავშირებით ინფორმაციას რელიგიის საკითხთა სახელმწიფო სააგენტო ავრცელებს.

„რელიგიის საკითხთა სახელმწიფო სააგენტო ებრაულ თემს ებრაული კალენდრის ერთ-ერთ უდიდეს - ფესახის (პასექის) დღესასწაულს ულოცავს.

ფესახი უფლის მიერ ებრაელების ეგვიპტელთა მონობიდან გამოხსნას ეძღვნება. ამ დღეს ებრაელები იერუსალიმის ტაძარს მოილოცავენ და უფუარ პურს, მაცას მიირთმევენ. ფესახი უფლისგან მოსული ხსნის, მონობისგან თავის დაღწევის, ებრაელთა ფიზიკური და სულიერი გადარჩენის სიმბოლოა“, - ნათქვამია ინფორმაციაში.