„ევროპის უნივერსიტეტისა" და სამხატვრო აკადემიის ორგანიზებით კონფერენცია - „ხელოვნებისა და მედიცინის მარადიული კავშირი“ გაიმართა
„ევროპის უნივერსიტეტისა" და თბილისის სახელმწიფო სამხატვრო აკადემიის ორგანიზებით, სამხატვრო აკადემიის საგამოფენო დარბაზში 3 აპრილს კონფერენცია თემაზე „ხელოვნებისა და მედიცინის მარადიული კავშირი“ გაიმართა.
„ევროპის უნივერსიტეტის” ინფორმაციით, კონფერენციას დიაბეტის ეროვნული ცენტრის დამფუძნებელი, „ევროპის უნივერსიტეტის" ენდოკრინოლოგიის დეპარტამენტის ხელმძღვანელი, პროფესორი რამაზ ყურაშვილი უძღვებოდა. „ღონისძიების ფარგლებში, რამაზ ყურაშვილმა მედიცინასა და ხელოვნებას შორის არსებულ კავშირზე ისაუბრა. მან მიმოიხილა ხელოვნების სხვადასხვა ცნობილი ნამუშევარი და დამსწრე საზოგადოებას დაანახა, თუ რამდენად მჭიდრო და მრავალმხრივია ამ ორი დარგის ურთიერთკავშირი.
კონფერენციას "ევროპის უნივერსიტეტისა" და თბილისის სახელმწიფო სამხატვრო აკადემიის რექტორები ნინო ტალიაშვილი და ყარამან ქუთათელაძე ესწრებოდნენ”,- ნათქვამია ინფორმაციაში.
