აშშ-ისრაელის მიერ ირანის ბუშერის ატომური ელექტროსადგურის ტერიტორიაზე დარტყმის შედეგად, ერთი ადამიანი დაიღუპა, - ინფორმაციას Sky News-ი ირანის სახელმწიფო მედიაზე დაყრდნობით ავრცელებს.

ირანის სახელმწიფო მედიის ცნობით, დარტყმა ბუშერის ატომური ელექტროსადგურის მიმდებარე ტერიტორიაზე განხორციელდა, რის შედეგადაც დაცვის თანამშრომელი დაიღუპა.

დარტყმის შედეგად ატომური ელექტროსადგურის დამხმარე შენობები დაზიანდა, თუმცა მთავარი ნაწილი არ დაზიანებულა.

ბირთვული ობიექტიდან რადიაციული დონის მატება არ დაფიქსირებულა.

ასევე, ირანული მედიის ინფორმაციით, დღეს ისრაელმა სამხრეთ-დასავლეთ ირანში მდებარე ნავთობქიმიურ ობიექტებს დაარტყა, რის შედეგადაც, ხუთი ადამიანი დაშავდა.