ვოლოდიმირ ზელენსკი თურქეთში ჩავიდა, - ინფორმაციას უკრაინის პრეზიდენტი სოციალურ ქსელში ავრცელებს.

უკრაინის პრეზიდენტის, ვოლოდიმირ ზელენსკის ცნობით, სტამბოლში თურქეთის პრეზიდენტთან, რეჯეფ თაიფ ერდოღანთან მოლაპარაკებებს გამართავს.

„პარტნიორობის გაძლიერებისთვის ვმუშაობთ, რათა ადამიანების სიცოცხლის რეალური დაცვა უზრუნველვყოთ, სტაბილურობას ხელი შევუწყოთ და როგორც ჩვენს ევროპაში, ისე ახლო აღმოსავლეთში უსაფრთხოება უზრუნველვყოთ. ერთობლივ ძალისხმევას ყოველთვის საუკეთესო შედეგი მოაქვს“, - წერს ზელენსკი X-ზე.

ასევე, თურქეთში ვიზიტის ფარგლებში ვოლოდიმირ ზელენსკი მსოფლიო პატრიარქ ბართლომეოსს შეხვდება.