სომხეთის მმართველმა პარტიამ ნიკოლ ფაშინიანი პრემიერ-მინისტრობის კანდიდატად ოფიციალურად წარადგინა, - ინფორმაციას ადგილობრივი მედია ავრცელებს.

სომხეთის მმართველი პარტიის, „სამოქალაქო თანხმობის“ წევრებმა პარტიის მერვე ყრილობაზე ნიკოლ ფაშინიანი საპარლამენტო არჩევნებისთვის პრემიერ-მინისტრობის კანდიდატად ერთხმად ოფიციალურად აირჩიეს.

მანამდე, პარტიამ შიდა კენჭისყრა ჩაატარა. არჩევნების ორი ტურის შემდეგ ფაშინიანმა პარტიულ სიაში 933 ხმით პირველი ადგილი დაიკავა.

ცნობისთვის, სომხეთში საპარლამენტო არჩევნები 7 ივნისს გაიმართება.