ფილარმონიის მიმდებარე ტერიტორიიდან პარლამენტის მიმართულებით ლოზუნგით - „ერთად დამოუკიდებლობისთვის“, ყოველკვირეული საპროტესტო მსვლელობა მოეწყო.

მარშის მონაწილეებს გაშლილი ჰქონდათ ბანერი წარწერით - „ერთად მოვიპოვეთ, ერთად დავიცავთ დამოუკიდებლობას“. ასევე, ადგილზე მიტანილი ჰქონდათ საქართველოსა და ევროკავშირის დროშები.

გარდა ამისა, მოქალაქეები სკანდირებდნენ: „დიდება საქართველოს, დიდება გმირებს“.

მსვლელობის მონაწილეები პარლამენტთან შეკრებილებს შეუერთდნენ, სადაც აქცია განახლდა. მოქალაქეები ერთ წელზე მეტია საკანონმდებლო ორგანოსთან საპროტესტო აქციებს მართავენ და ითხოვენ, დაინიშნოს ახალი საპარლამენტო არჩევნები და გათავისუფლდნენ აქციების დროს დაკავებულები.