თბილისის სატრანსპორტო კომპანიის ინფორმაციით, მეტროს პირველ ხაზზე მოძრაობა შეფერხებულია.

კერძოდ, მატარებლები მოძრაობენ ზონალურად, მეტრო მგზავრებს ემსახურება მეტროსადგურ “ვარკეთილიდან” “სადგურის მოედნამდე”.

“მეტროსადგურ “დიდუბეში” დაზიანდა მატარებელი. ამის გამო შეფერხებული გვაქვს მოძრაობა პირველ ხაზზე. მატარებლები მოძრაობენ ზონალურად, მგზავრებს ვემსახურებით მეტროსადგურ “ვარკეთილიდან” “სადგურის მოედნამდე”. “სადგურის მოედნიდან” “ახმეტელის სადგურამდე” კი შეფერხებულია”, - აღნიშნავენ სატრანსპორტო კომპანიაში.

მათივე ცნობით, მოძრაობის სავარაუდო აღდგენის დრო, ერთი საათია.