პარლამენტთან მიმდინარე აქციაზე ჟურნალისტ აფგან სადიგოვს მხარდაჭერა გამოუცხადეს.

აქციის მონაწილეებმა გააპროტესტეს სადიგოვის გაძევება აზერბაიჯანში.

თბილისში პარლამენტთან საპროტესტო აქცია უწყვეტად მეორე წელია მიმდინარეობს.

შეგახსენებთ, შინაგან საქმეთა სამინისტრომ აზერბაიჯანელი ჟურნალისტი აფგან სადიგოვი ადმინისტრაციული წესით დააკავა. შსს-ს ცნობით, ის სოციალურ ქსელში პოლიციელის მიმართ შეურაცხყოფისთვის იქნა დაკავებული. სახდელის სახით მას შეეფარდა ჯარიმა 2000 ლარის ოდენობით, საქართველოდან გაძევება და ქვეყანაში შემოსვლის აკრძალვა 3 წლის ვადით. ადვოკატის ინფორმაციით, თბილისის საქალაქო სასამართლომ აფგან სადიგოვის აზერბაიჯანში გაძევების გადაწყვეტილება ღამის 4:00 საათზე მიიღო.