„ჰეზბოლას“ განცხადებით, ისრაელის მიერ ცეცხლის შეწყვეტის შეთანხმების დარღვევის საპასუხოდ, ჩრდილოეთ ისრა ელის მიმართულებით რაკეტები ისროლა, - ინფორმაციას Reuters-ი ავრცელებს.

„ეს პასუხი გაგრძელდება მანამ, სანამ ჩვენი ქვეყნისა და ჩვენი ხალხის წინააღმდეგ ისრაელ-ამერიკის აგრესია არ შეწყდება“, - ნათქვამია „ჰეზბოლას“ განცხადებაში.

ისრაელმა გუშინ ლიბანის წინააღმდეგ რამდენიმე თავდასხმა განახორციელა. ქვეყნის სამოქალაქო თავდაცვის სამსახურმა განაცხადა, რომ თავდასხმების შედეგად სულ მცირე 254 ადამიანი დაიღუპა და 1100-ზე მეტი დაიჭრა.

ისრაელი და აშშ აცხადებენ, რომ ირანთან დადებული ორკვირიანი ზავი ლიბანზე არ ვრცელდება. ისრაელის პრემიერ-მინისტრმა ბენიამინ ნეთანიაჰუმ განაცხადა, რომ ლიბანი ირანთან მიღწეული ცეცხლის შეწყვეტის შეთანხმების ნაწილი არ არის. თეთრი სახლის პრესსპიკერმა კაროლინ ლივიტმა და აშშ-ის ვიცე-პრეზიდენტმა ჯეი დი ვენსმა ასევე განაცხადეს, რომ შეთანხმება ლიბანზე არ ვრცელდება.