ჩეხეთის ელჩმა 9 აპრილს დაღუპულ გმირებს პატივი მიაგო
ჩეხეთის რესპუბლიკის ელჩი პეტრ კუბერნატი 9 აპრილის მემორიალთან მივიდა და დაღუპულ გმირებს პატივი მიაგო. ამის შესახებ ინფორმაციას საქართველოში ჩეხეთის საელჩო ავრცელებს.
მათი თქმით, დაღუპულთა ხსოვნა საქართველოს ისტორიის მნიშვნელოვან ნაწილად დარჩება.
„ჩეხეთის რესპუბლიკის ელჩმა, პეტრ კუბერნატმა, 9 აპრილის მემორიალთან პატივი მიაგო დაღუპულ გმირებს, რაც იყო იმ ადამიანთა გამბედაობისა და თავგანწირვისადმი პატივისცემა, რომლებმაც თავისუფლებისა და დამოუკიდებლობისთვის ბრძოლაში სიცოცხლე გასწირეს.
მათი ხსოვნა საქართველოს ისტორიის მნიშვნელოვან ნაწილად დარჩება.“- ნათქვამია განცხადებაში.
