სიონის საპატრიარქო ტაძარში სააღდგომო ლიტურგია მიმდინარეობს. ლიტურგიას საქართველოს კათოლიკოს-პატრიარქის მოსაყდრე მეუფე შიო აღავლენს.

ლიტურგიის დასრულების შემდეგ, მრევლს მეუფე შიოს სააღდგომო ეპისტოლეს გააცნობენ.

ლიტურგიას ესწრებიან საქართველოს ხელისუფლების წარმომადგენლები, მათ შორის ირაკლი კობახიძე, შალვა პაპუაშვილი, კახა კალაძე, მიხეილ ყაველაშვილი და სხვები.

ამასთან, ტაძარში უკვე მიაბრძანეს იერუსალიმიდან ჩამობრძანებული წმინდა ცეცხლი.

იერუსალიმში, უფლის აღდგომის ტაძარში წმინდა ცეცხლი თბილისის დროით, წელს 15:13 საათზე გადმოვიდა. ზეციური ცეცხლი იერუსალიმის აღდგომის ტაძარში პირველად III საუკუნეში გადმოვიდა.