ივანიშვილის რეჟიმი და მისი პროპაგანდა მრავალი წელია ორბანს ყოველმხრივ სამაგალითო ლიდერად წარმოგვიჩენს - ამიტომ, ვურჩევ მათ, ერთადერთი სწორი რამ ისწავლონ მისგან - ახლო მომავალში მასავით შეეგუონ მარცხს და მშვიდობიანად დათმონ ძალაუფლება, - ამის შესაებ „ფედერალისტების“ ლიდერი, გიგა ბოკერია სოციალურ ქსელში წერს, რითაც უნგრეთის საპარლამენტო არჩევნებში ოპოზიციური პარტია "ტისას" გამარჯვებას ეხმაურება.

„უნგრეთისთვის უმნიშვნელოვანეს საპარლამენტო არჩევნებში ოპოზიციურმა პარტიამ, "ტისამ" გაიმარჯვა. ვიქტორ ორბანმა აღიარა მარცხი და "ტისას" ლიდერს, პიტერ მადიარს გამარჯვება მიულოცა. ივანიშვილის რეჟიმი და მისი პროპაგანდა მრავალი წელია ორბანს ყოველმხრივ სამაგალითო ლიდერად წარმოგვიჩენს. ამიტომ, ვურჩევ მათ, ერთადერთი სწორი რამ ისწავლონ მისგან - ახლო მომავალში მასავით შეეგუონ მარცხს და მშვიდობიანად დათმონ ძალაუფლება“, - წერს გიგა ბოკერია.

ცნობისთვის, უნგრეთის საპარლამენტო არჩევნებში, ხმების 45.71%-ის დათვლის შემდეგ, პარტია „ტისა“ ლიდერობს. ამ მონაცემების თანახმად, „ტისა“ 199-ადგილიან პარლამენტში 135 მანდატს მიიღებს, ხოლო პრემიერ-მინისტრ ვიქტორ ორბანის პარტია „ფიდესი“ და მისი მოკავშირე ქრისტიან-დემოკრატიული სახალხო პარტია (KDNP) 57 ადგილს.

ვიქტორ ორბანმა დამარცხება აღიარა და „ტისას“ გამარჯვება მიულოცა.