წინასწარი მონაცემებით, პერუში საპრეზიდენტო არჩევნების მეორე ტური გაიმართება

საარჩევნო პროცესი შეფერხებებით წარიმართა და დედაქალაქ ლიმაში 52 000-ზე მეტმა ამომრჩეველმა ხმის მიცემა ვერ შეძლო. აღნიშნულის შედეგად, პერუს ეროვნულმა საარჩევნო ორგანომ, ONPE-მ ბიულეტენების დათვლის პროცესის დაწყების შემდეგ ხმის მიცემის ვადის გახანგრძლივების შესახებ გამოაცხადა.

ბოლო მონაცემებით, პერუში ხმების 37%-ია დათვლილი. ამ დროისთვის, საპრეზიდენტო არჩევნებში პერუ-ს ყოფილი პრეზიდენტის, ალბერტო ფუხიმორის ქალიშვილი, კონსერვატორი კეიკო ფუხიმორი ხმების 17.17%-ით ლიდერობს, ხოლო მეორე ადგილს 16.97%-ით ლიმას ყოფილი მერი, მემარჯვენე რაფაელ ლოპეს ალიაგა იკავებს.

საპრეზიდენტო არჩევნებში რეკორდული რაოდენობის 35 კანდიდატი მონაწილეობდა.

საპრეზიდენტო არჩევნების პირველივე ტურში გამარჯვებისთვის ხმების 50%-ზე მეტია საჭიროა. თუ ხმების საჭირო რაოდენობას ვერცერთი კანდიდატი ვერ მოიპოვებს, მაშინ პერუში საპრეზიდენტო არჩევნების მეორე ტური 7 ივნისს გაიმართება.