CNN - ირანთან მოლაპარაკებების მეორე რაუნდის გამართვის შემთხვევაში აშშ-ის დელეგაციას, სავარაუდოდ, ვიცე-პრეზიდენტი ჯეი დი ვენსი უხელმძღვანელებს
ირანთან მოლაპარაკებების მეორე რაუნდის გამართვის შემთხვევაში აშშ-ის დელეგაციას, სავარაუდოდ, ვიცე-პრეზიდენტი ჯეი დი ვენსი უხელმძღვანელებს, - ინფორმაციას CNN-ი წყაროზე დაყრდნობით ავრცელებს.
„სავარაუდოდ, დელეგაციას კვლავ ვენსი უხელმძღვანელებს“, - განუცხადა გამოცემას წყარომ.
ასევე, გამოცემასთან საუბარში ამერიკელმა ოფიციალურმა პირმა აღნიშნა, რომ ირანთან მოლაპარაკებების პოტენციურ მეორე რაუნდში მონაწილეობას აშშ-ის პრეზიდენტის წარმომადგენლები, სტივ უიტკოფი და ჯარედ კუშნერი მიიღებენ.
შეგახსენებთ, აშშ-სა და ირანს შორის მოლაპარაკებების პირველი რაუნდი პაკისტანის დედაქალაქ ისლამაბადში გასულ შაბათ-კვირას შეთანხმების მიღწევის გარეშე დასრულდა.
