ჩინეთის პრეზიდენტს ვთხოვე, რომ ირანს იარაღი არ მიაწოდოს, - ამის შესახებ აშშ-ის პრეზიდენტმა დონალდ ტრამპმა Fox Business-თან ინტერვიუში განაცხადა.

„სი ძინპინს წერილი მივწერე და ვთხოვე, რომ ეს არ გაეკეთებინა. მან წერილი მომწერა, რომელშიც ნათქვამია, რომ ამას ფაქტობრივად არ აკეთებს“, - განაცხადა ტრამპმა.

ასევე, ტრამპმა ინტერვიუ Sky News-საც მისცა და აღნიშნა, რომ შესაძლოა, ირანთან სამშვიდობო შეთანხმების მიღწევა თვის ბოლომდე მოხდეს.

„შეიძლება. ისინი ძალიან მძიმე მდგომარეობაში არიან. ეს შესაძლებელია“, - აღნიშნა აშშ-ის პრეზიდენტმა.