აშშ-ის ბლოკადის გაგრძელების შემთხვევაში, სპარსეთის ყურეში, წითელ ზღვასა და ომანის ყურეში სავაჭრო გადაზიდვებს არ დავუშვებთ, - ამის შესახებ განცხადებას ირანის შეიარაღებული ძალები ავრცელებს.

ირანის შეიარაღებული ძალების ცენტრალური შტაბის განცხადებით, „აშშ-ის მიერ საზღვაო ბლოკადის გაგრძელება ცეცხლის შეწყვეტის დარღვევის წინაპირობად ჩაითვლება“.

„ისლამური რესპუბლიკის ძლევამოსილი შეიარაღებული ძალები სპარსეთის ყურეში, ომანის ყურესა და წითელ ზღვაში ექსპორტის ან იმპორტის გაგრძელებას არ დაუშვებს“, - ნათქვამია ირანის შეიარაღებული ძალების გენერალური შტაბის ხათამ ალ-ანბიას ცენტრალური შტაბის განცხადებაში.