შესაძლოა, აშშ-სა და ირანს შორის მოლაპარაკებების მორიგი რაუნდი ორშაბათს გაიმართოს, - ინფორმაციას CNN-ი ირანულ წყაროებზე დაყრდნობით ავრცელებს.

გამოცემის ირანული წყაროების ცნობით, სავარაუდოდ, აშშ-ისა და ირანის დელეგაციებს შორის მოლაპარაკებების მეორე რაუნდი პაკისტანის დედაქალაქ ისლამაბადში ორშაბათს გაიმართება.

ასევე, ირანელმა ოფიციალურმა პირებმა აღნიშნეს, რომ მხარეები ისლამაბადში კვირას ჩავლენ.

შეგახსენებთ, ცეცხლის შეწყვეტის გამოცხადების შემდეგ აშშ-სა და ირანს შორის მოლაპარაკებების პირველი რაუნდი 11-12 აპრილს პაკისტანში გაიმართა. მოლაპარაკებების დასრულების შემდეგ აშშ-ის ვიცე-პრეზიდენტმა ჯეი დი ვენსმა განაცხადა, რომ მხარეებმა სამშვიდობო შეთანხმებას ვერ მიაღწიეს.