ამ ქიშპობაში, ვითომ პოლიტიკურ დუღილში, კვლავ ჩნდება ის რეალური სახე, რაც რადიკალურ ოპოზიციას გააჩნია - ერთადერთი, საკუთარი სამშობლოს მიმართ სიძულვილი აერთიანებთ, - ამის შესახებ პარლამენტის საპროცედურო საკითხთა და წესების კომიტეტის თავმჯდომარემ, დავით მათიკაშვილმა „ოპოზიციურ ალიანსზე" საუბრისას განაცხადა.

მისივე თქმით, ისინი პრაქტიკულად, მხარდამჭერის არმქონე ძალები არიან.

„ვინ ვისთან არის ასოცირებული, კარგად ვიცით. საზოგადოებამ მშვენივრად დაინახა სხვადასხვა საკრებულოში გახარიას პარტიის „ნაცებთან“ არსებული კოალიციები. რაც შეეხება ალიანსს - ასეთი გაერთიანება-დაშლა არაერთხელ გვინახავს. ეკლექტური ძალაა, პრაქტიკულად, მხარდამჭერის არმქონე ძალები არიან. ერთადერთი, საკუთარი სამშობლოს მიმართ სიძულვილი აერთიანებთ. ბუნებრივია, მათი პოლიტიკური შედეგი ფიასკოსთვის არის განწირული, თუმცა ისევ ახალ ფანჩატურს მოძებნიან, შეიკრიბებიან და შემდეგ გადაწყვეტენ, ვინ უფრო ამბიციურია, ის გამოარჩიონ. ამ ქიშპობაში, ვითომ პოლიტიკურ დუღილში, კვლავ ჩნდება ის რეალური სახე, რაც რადიკალურ ოპოზიციას გააჩნია - ნული მხარდაჭერა და ნული პოლიტიკური დივიდენდი“, - განაცხადა მათიკაშვილმა.