პარტია „გახარია საქართველოსთვის“ აგრძელებს პროფესიულ წრეებთან აქტიურ თანამშრომლობას “ქართული ოცნების” პირობებში არსებული რეალობის შეცვლისთვის. ამის შესახებ პარტიის „გახარია საქართველოსთვის“ მიერ გავრცელებულ ინფორმაციაშია ნათქვამი.

როგორც პარტიის მიერ გავრცელებულ განცხადებაშია ნათქვამი, საქართველოს პარლამენტში საპარლამენტო ფრაქციის დეპუტატებმა განათლების პლატფორმის ფარგლებში განათლების სფეროს სპეციალისტებთან ერთად შეხვედრა გამართეს.

ამავე ცნობით, შეხვედრის მთავარი თემა განათლების სექტორში მიმდინარე ცვლილებები და რეფორმის პროცესის შეფასება იყო . დისკუსიის ფარგლებში განხილული იქნა არსებული გამოწვევები, სისტემური პრობლემები და შესაძლო გამოსავლები, რომლებიც განათლების ხარისხის გაუმჯობესებასა და სექტორის განვითარებას შეუწყობს ხელს.

„ოცნების“ მიერ განათლების სექტორში განხორციელებული მიმდინარე ცვლილებები ემსახურება აკადემიური თავისუფლების შეზღუდვას და კორუფციულ ინტერესებს.

ჩვენი ზეპარტიული ამოცანაა, განათლების სფეროში არსებული ცოდნა და გამოცდილება გავაერთიანოთ და ერთობლივად დავუპირისპირდეთ „ოცნების“ მავნე გადაწყვეტილებებს!" , - განაცხადა „გახარია საქართველოსთვის“ პარტიიდან დეპუტატმა ტატა ხვედელიანმა.ა