გამოწვევები რჩება საკმაოდ ბევრი. ყველა მიმართულებით არის ყურადღება და სიფრთხილე საჭირო. საფრთხეები არსად წასულა - ამის შესახებ პრემიერ-მინისტრმა, ირაკლი კობახიძემ ჟურნალისტებს განუცხადა, რითაც უპასუხა შეკითხვას რა გამოწვევები ექნება სახელმწიფო უსაფრთხოების სამსახურის ახალ უფროსს, გელა გელაძეს.

როგორც მან აღნიშნა, იმ ვითარების გათვალისწინებით, რაც არის გლობალურად და რეგიონში, სიფრთხილე და სიფხიზლეა საჭირო.

„რეალურად გამოწვევები ბევრი რჩება, მიუხედავად იმისა, რომ აქამდეც იყო წარმატებული სამსახურის საქმიანობა. გამოწვევები რჩება საკმაოდ ბევრი. ყველა მიმართულებით არის ყურადღება და სიფრთხილე საჭირო. საფრთხეები არსად წასულა. თქვენ ხედავთ რა მძიმე ვითარებაა ზოგადად, გლობალურად, ჩვენს რეგიონში, ჩვენ გარშემო. ასეთ პირობებში საჭიროა მუდმივი სიფრთხილე, სიფხიზლე. ასევე ინსტიტუციური ცვლილებები დაიწყო მამუკა მდინარაძის ხელმძღვანელობის პირობებში, თუმცა ამასაც სჭირდება გაგრძელება და, რა თქმა უნდა, ეს იქნება ერთ-ერთი მნიშვნელოვანი ამოცანა, რომელიც შესრულდება გეკა გელაძის ხელმძღვანელობის პირობებში,“ - განაცხადა ირაკლი კობახიძემ.