ვნახოთ, რა და როგორ იქნება - მოვა მაისი და ყველაფერი გაირკვევა, - ამის შესახებ პარლამენტის თავმჯდომარემ, შალვა პაპუაშვილმა ამერიკის შეერთებულ შტატებთან ურთიერთობის გადატვირთვაზე საუბრისას განაცხადა.

მისივე თქმით, ქართული მხარე მზადაა, ორი ერის, ორი ქვეყნის ინტერესების სასარგებლოდ ურთიერთობებისთვის.

პაპუაშვილი აღნიშნავს, რომ აშშ-ის წინა ადმინისტრაციის ბრალეულობაა იმაში, რომ საქართველო-ამერიკის ურთიერთობები მიუღებელ დონეზეა და საქართველოს აქ თავისი წილი არ მიუძღვის.

„მოვა მაისი და ვნახავთ. მთავარი არის ერთი რამ - როცა საქართველოს პრემიერ-მინისტრსა და აშშ-ს სახელმწიფო მდივანს შორის საუბარი შედგა, მთავარ საკითხზე შეთანხმდნენ, რომ ორივე მხრიდან არის სურვილი, ურთიერთობა გადაიტვირთოს. ჩვენი მხრიდან ითქვა, რა არის კრიტერიუმი, როდის შეგვიძლია ვთქვათ, რომ „კი, ნამდვილად მოხდა ურთიერთობების გადატვირთვა“. ჩვენი მთავარი კრიტერიუმი არის ახალი სტრატეგიული პარტნიორობის ჩამოყალიბება. ასე რომ, ამ მიმართულებით მივდივართ. ჩვენ ამ საკითხს ვუდგებით ჩვენი ეროვნული ინტერესებიდან გადმოსახედიდან, ისევე როგორც ამერიკის შეერთებული შტატები უყურებს თავის საგარეო პოლიტიკას საკუთარი ეროვნული ინტერესების გადასახედიდან. ჩვენ გვიხარია ის, რომ სახელმწიფო მდივნის გაცხადებული პოლიტიკაა, რომ სხვა ქვეყნებსაც აქვთ საკუთარი ეროვნული ინტერესები და ამ ცოდნით შედიან ნებისმიერ საუბარში,“ - განაცხადა პაპუაშვილმა.

ცნობისთვის, საქართველოს პრემიერ-მინისტრმა, ირაკლი კობახიძემ განაცხადა, რომ „მაისის ბოლომდე ამერიკულ მხარესთან არაერთი კომუნიკაცია შედგება და კონკრეტულ შედეგებს ვიხილავთ“.

„აპრილი მე არ მითქვამს, მაისს გეუბნებით,“ - განაცხადა კობახიძემ.