მნიშვნელოვანია, რომ ამერიკასთან სტრატეგიული ურთიერთობა სუფთა ფურცლიდან დავიწყოთ - მაისში ვიზიტი იგეგმება, რომელსაც წინ უსწრებდა ამერიკაში ვიზიტი და სატელეფონო საუბარი, - ამის შესახებ პარლამენტის საპროცედურო საკითხთა კომიტეტის თავმჯდომარემ, დავით მათიკაშვილმა ჟურნალისტებთან საქართველო-ამერიკის ურთიერთობებზე საუბრისას განაცხადა.

მისი თქმით, ყველა ნაბიჯი იქითკენ მიდის, რომ მხოლოდ ფურცელზე არსებული სტრატეგიული ურთიერთობა რეალურ და ნამდვილ სტრატეგიულ ურთიერთობად გადაიქცეს.

„მნიშვნელოვანია, რომ ამერიკასთან სტრატეგიული ურთიერთობა სუფთა ფურცლიდან დავიწყოთ. იცით, რომ მაისში ვიზიტი იგეგმება, რომელსაც წინ უსწრებდა ამერიკაში ვიზიტი და სატელეფონო საუბარი. ყველა ნაბიჯი იქითკენ მიდის, რომ მხოლოდ ფურცელზე არსებული სტრატეგიული ურთიერთობა, რომელიც მეხუთე კოლონისა და არაფორმალური მმართველობის ჩარევით ანულირდა, რეალურ და ნამდვილ სტრატეგიულ ურთიერთობად გადაიქცეს. პატარა ქვეყანა ვართ. ამერიკას დიდი შესაძლებლობები გააჩნია. ჩვენი მეგობრობისადმი ჩვენი ერთგულება არაერთხელ გვაქვს დამტკიცებული, მათ შორის ქართველი ჯარისკაცების სიცოცხლის გაწირვის ხარჯზეც. მნიშვნელოვანია, თუ ეს ურთიერთობა სუფთა ფურცლიდან, ახალი გვერდიდან დაიწყება“, - განაცხადა მათიკაშვილმა.