ახლახან რობერტ ფიცოს ვესაუბრე - მნიშვნელოვანი იყო იმის მოსმენა, რომ სლოვაკეთი უკრაინის ევროკავშირში გაწევრიანებას მხარს უჭერს, - ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს.

უკრაინის პრეზიდენტის, ვოლოდიმირ ზელენსკის ცნობით, სლოვაკეთის პრემიერ-მინისტრთან, რობერტ ფიცოსთან სატელეფონო საუბარი შედგა.

„ჩვენს ქვეყნებს შორის ძლიერი ურთიერთობები გვჭირდება და ამით ორივე დაინტერესებული ვართ. მნიშვნელოვანი იყო იმის მოსმენა, რომ სლოვაკეთი უკრაინის ევროკავშირში გაწევრიანებას მხარს უჭერს და მზად არის გაწევრიანების შესახებ საკუთარი გამოცდილების გაზიარებისთვის“, - წერს ზელენსკი X-ზე.

უკრაინის პრეზიდენტმა სლოვაკეთს პრემიერ-მინისტრი კიევში მიიწვია და ასევე, ბრატისლავაში მიწვევისთვის მადლობა გადაუხადა.

„ასევე, უახლოეს მომავალში შეხვედრის შესაძლებლობა განვიხილეთ. ჩვენი გუნდები ამაზე იმუშავებენ“, - აცხადებს ზელენსკი.