ევროპის პოლიტიკური გაერთიანების მე-8 შეხვედრა ერევანში იმართება და პრემიერ-მინისტრი ამ შეხვედრაში მონაწილეობას მიიღებს,

- ამის შესახებ საქართველოს ვიცე-პრემიერმა, საგარეო საქმეთა მინისტრმა მაკა ბოჭორიშვილმა განაცხადა.

როგორც ვიცე-პრემიერმა აღნიშნა, მთავრობის მეთაური მონაწილეობას მიიღებს მრგვალი მაგიდის ფორმატის დისკუსიაში, რომელიც შეეხება დაკავშირებადობას და ეკონომიკური უსაფრთხოების საკითხებს.

"ეს მნიშვნელოვანია, როგორც ევროკავშირის წევრი ქვეყნებისთვის, ასევე ზოგადად, ევროპის რეგიონისთვის. საქართველოს აქვს განსაკუთრებული როლი, როდესაც ჩვენ დაკავშირებადობაზე ვსაუბრობთ და, რა თქმა უნდა, მნიშვნელოვანია ამ ფორმატში პრემიერ-მინისტრის მონაწილეობა", - განაცხადა მაკა ბოჭორიშვილმა.

ინფორმაციას საგარეო საქმეთა სამინისტრო ავრცელებს.