აშშ-ის პრეზიდენტის დონალდ ტრამპის განცხადებით, აშშ დღეიდან ჰორმუზის სრუტეში ჩარჩენილი გემების გამოყვანას დაიწყებს.

მისი მტკიცებით, „ქვეყნებმა მთელი მსოფლიოს მასშტაბით, რომელთაგან თითქმის ყველა არ არის ჩართული ახლო აღმოსავლეთის დავაში“, სთხოვა აშშ-ს გაეთავისუფლებინა გემები, რომლებიც სრუტეში არიან „ჩაკეტილი“.

„ისინი უბრალოდ ნეიტრალური და უდანაშაულო დამკვირვებლები არიან! ირანის, ახლო აღმოსავლეთის და შეერთებული შტატების საკეთილდღეოდ, ჩვენ ვუთხარით ამ ქვეყნებს, რომ უსაფრთხოდ გამოვიყვანთ მათ გემებს, რათა მათ თავისუფლად და ეფექტურად შეძლონ თავიანთი საქმიანობის გაგრძელება“, - დაწერა ტრამპმა Truth Social-ზე.

მისი თქმით, გემები იმ ტერიტორიებიდან არიან, რომლებიც არანაირად არ არიან ჩართულები ახლო აღმოსავლეთის კონფლიქტში.

„ეს არის ჰუმანიტარული ჟესტი შეერთებული შტატების, ახლო აღმოსავლეთის ქვეყნების, მაგრამ, კერძოდ, ირანის სახელით“, - აღნიშნა ტრამპმა.

მისი მტკიცებით, თუ პროცესში ჩარევა მოხდება, ამ ჩარევას ძალით უპასუხებენ.

„თუ რაიმე ფორმით ამ ჰუმანიტარულ პროცესში ჩარევა მოხდება, სამწუხაროდ, ამ ჩარევაზე ძალისმიერი რეაგირება მოგვიწევს“, - აღნიშნა ტრამპმა.

ამასთან, აშშ-ის პრეზიდენტის თქმით, აშშ ირანთან ძალიან პოზიტიურ მოლაპარაკებებს აწარმოებს.

"ჩემი წარმომადგენლები ირანთან ძალიან პოზიტიურ მოლაპარაკებებს აწარმოებენ და ამ მოლაპარაკებებმა შეიძლება ყველასთვის ძალიან პოზიტიური შედეგი გამოიღოს", - დაწერა ტრამპმა.