სასამართლომ პარტია „ახალის“ წევრს, ნოდარ ჩაჩანიძეს 3-დღიანი ადმინისტრაციული პატიმრობა შეუფარდა
თბილისის საქალაქო სასამართლომ პარტია „ახალის“ წევრს, ნოდარ ჩაჩანიძეს 3-დღიანი ადმინისტრაციული პატიმრობა შეუფარდა. ამის შესახებ ნოდარ ჩაჩანიძე სოციალურ ქსელში წერს.
როგორც ჩაჩანიძე აღნიშნავს, მას მოსამართლემ ადმინისტრაციული პატიმრობა ტროტუარზე დგომის გამო შეუფარდა.
„3 დღით უნდა დაგემშვიდობოთ. რამდენიმე წუთის წინ, ადმინისტრაციული პატიმრობა მომისაჯა საქალაქო უსამართლომ. ველოდები თავად როდის დამიკავშირდებიან. თუ დღეს არ დამაკავებენ, ვაპირებ რომ საღამოს ჩემპიონთა ლიგის ნახევარფინალს ვუყურო და ხვალ დილით მივიდე პოლიციაში... ვნახოთ,“ - წერს ჩაჩანიძე.
