ირაკლი კირცხალია - სახელმწიფო მინისტრმა რამდენიმე დღის წინ თქვა და დღეს გენერალურმა პროკურორმა ბრიფინგი ჩაატარა მოძალადე პირების დაკავებაზე - ეს არის კონკრეტული შედეგი და დაპირების სწრაფი შესრულება.
საპარლამენტო უმრავლესობის ლიდერი, „ქართული ოცნების“ ერთ-ერთი ლიდერი, ირაკლი კირცხალია აცხადებს, რომ 2024 წლის აქციების ფარგლებში, მომიტინგე ზვიად მაისაშვილის, პოლიტიკოს ლევან ხაბეიშვილისა და ჟურნალისტ გურამ როგავას მიმართ განხორციელებული ძალადობის ფაქტზე 5 პირის დაკავება „კონკრეტული შედეგი და დაპირების სწრაფი შესრულებაა”.
კირცხალია სახელმწიფო მინისტრის მამუკა მდინარაძის ფაქტორზე საუბრობს და ამ კონტექსტში ახსენებს ჯაშუშობის ბრალდებით დაკავების ფაქტებსაც, რასაც „ჯაშუშების ისტორიულ დაკავებებას” უწოდებს.
„მდინარაძის სახელმწიფო მინისტრად დაწინაურების პირველივე დღიდან ანერვიულდნენ, რა უნდა გააკეთოს იმ პოზიციიდან, ფორმალურიაო.
სახელმწიფო მინისტრმა რამდენიმე დღის წინ თქვა და დღეს გენერალურმა პროკურორმა ბრიფინგი ჩაატარა მოძალადე პირების დაკავებაზე.
აი, ეს არის კონკრეტული შედეგი და დაპირების სწრაფი შესრულება.
ბოლო პერიოდში ჯაშუშების ისტორიულ დაკავებებსაც ნუ დავივიწყებთ! წარმატებები“, - წერს კირცხალია „ფეისბუქზე“.
