„ოპოზიციის ალიანსის“ ლიდერებმა „კარდაკარის“ კამპანია დაიწყეს.

ისინი მოსახლეობაში საინფორმაციო ფლაერებს არიგებენ, რომელზეც 26 მაისის აქციის შესახებ ინფორმაცია არის განთავსებული.

ოპოზიციონერი პოლიტიკოსები მოქალაქეებს დაგეგმილი აქციის მნიშვნელობაზეც ესაუბრებიან და საპროტესტო აქციაში მონაწილეობისკენ მოუწოდებენ.

„ოპოზიციის ალიანსი“ იწყებს თბილისის ინფორმირების კამპანიას 26 მაისთან დაკავშირებით. 26 მაისი არის ჩვენი დამოუკიდებლობის დღე, ამიტომ „ოპოზიციის ალიანსის“ ლიდერები, ჩვენი მხარდამჭერები, თითოეული ადამიანი, ვინც წინააღმდეგობაშია ჩართული, მივალთ თითოეულ მოსახლესთან, ოჯახთან, გადავცემთ მოსაწვევს და „ოპოზიციის ალიანსის“ კამპანია დაგვირგვინდება 26 მაისს, სადაც ვიქნებით ბევრნი და დავანახებთ, რომ ამ ქვეყანას ევროპულ გზაზე დაბრუნებაც შეუძლია, განვითარებაც შეუძლია და ჩვენ მივაღწევთ დასახულ მიზანს“, - განაცხადა „სტრატეგია აღმაშენებლის“ წევრმა, ნანა ტოხვაძემ.