საქართველოს სავაჭრო-სამრეწველო პალატა აცხადებს აპლიკაციების მიღებას AI ჰაკათონზე. ინფორმაცის ამის შესახებ საქართველოს სავაჭრო-სამრეწველო პალატა ავრცელებს.

მათივე ცნობით, AI ჰაკათონის მიზანია ისეთი გადაწყვეტების შექმნა, რომლებიც ბიზნესის რეალურ გამოწვევებსა და საჭიროებებს პასუხობს.

„მონაწილეები იმუშავებენ სხვადასხვა პრობლემის გარშემო და შექმნიან პრაქტიკულ გადაწყვეტებს, რომლებიც ბიზნესს პროცესების გაუმჯობესებასა და ეფექტიან ზრდაში დაეხმარება.

გამარჯვებულები, სავაჭრო პალატის დაფინანსებით, GITEX-თან პარტნიორობის ფარგლებში, სამუშაო ვიზიტით გაემგზავრებიან ევროპის ერთ-ერთ უმსხვილეს AI კონფერენციაზე – GITEX AI EUROPE, რომელიც 2026 წლის 30 ივნისიდან 1 ივლისის ჩათვლით Messe Berlin-ში, გერმანიაში გაიმართება.

ღონისძიება მონაწილეებს აძლევს შესაძლებლობას შეხვდნენ ტექნოლოგიური ინდუსტრიის ისეთ წამყვან კომპანიებს, როგორებიცაა Amazon Web Services, Hewlett-Packard, AMD და სხვ. ასევე, დაესწრონ საერთაშორისო დონის კონფერენციებსა და მასტერკლასებს OpenAI-ისა და Bosch-ის მონაწილეობით. პროგრამა აერთიანებს ინოვაციურ სტარტაპებს, მათ შორის Perplexity-ს, Miro-სა და DeepL-ს, აგრეთვე, 100-ზე მეტი ქვეყნის ექსპოზიტორებსა და ინვესტორებს. ღონისძიების ფარგლებში გაიმართება Supernova Pitch Competition-იც, სადაც სტარტაპები €50,000-ზე მეტი საპრიზო ფონდისთვის იბრძოლებენ.

ჰაკატონში მონაწილეობა შეუძლიათ მიიღონ როგორც მოქმედმა კომპანიებნა, ასევე ფიზიკურმა პირებმა, სტარტაპებმა, სტუდენტებმა და ა.შ. (დეტალები იხილეთ სარეგისტრაციო ფორმაში).

პროექტში მონაწილეობის მსურველებმა უნდა შეავსონ სარეგისტრაციო ფორმა 17 მაისის ჩათვლით: https://forms.gle/bD4AQjAag5dUoDjm9“,- აღნიშნულია ინფორმაციაში.