ხვალ, ინციდენტების პრევენციისა და მათზე რეაგირების მექანიზმის (IPRM) ფორმატში მორიგი შეხვედრაა დაგეგმილი ­ერგნეთში და იქ განსახილველ საკითხებს, ისევ მალავს „ჩვენი“ მხარე,- ამის შესახებ პარტია „გახარია საქართველოსთვის“ აღმასრულებელი მდივანი ბერდია სიჭინავა სოციალურ ქსელში წერს.

როგორც ბერდია სიჭინავა აღნიშნავს, „ღალატს სიჩუმე და დამალვა ახასიათებს“.

„ხვალ, ინციდენტების პრევენციისა და მათზე რეაგირების მექანიზმის (IPRM) ფორმატში მორიგი შეხვედრაა დაგეგმილი ერგნეთში და იქ განსახილველ საკითხებს, ისევ მალავს „ჩვენი“ მხარე.

როგორც ცხინვალის რუსული საოკუპაციო რეჟიმის საინფორმაციო სააგენტო აცხადებს (შეგახსენებთ, ამ სააგენტოს ოფიციალურ სტატიებს პროკურატურა საკუთარ მტკიცებულებებად იყენებს სასამართლოში გიორგი გახარიას წინააღმდეგ, საქართველოს ეროვნული ინტერესების საზიანოდ), ერგნეთში შეხვედრის მთავარი თემა კვლავ იქნება 2019 წლის აგვისტოს ბოლოს ე.წ. სამხრეთ ოსური მხარის მიერ სოფელ უისტას ტერიტორიად მიჩნეულ ადგილზე განთავსებული ქართული პოლიციის პოსტის მოხსნის საკითხი.

ღალატს სიჩუმე და დამალვა ახასიათებს, მაგრამ ჩორჩანას საქმეზე ძალიან ხმაურობს და ამ საქმიდან გაძრომას ვერ შეძლებს ვერავინ“,- წერს სიჭინავა.