პროკურატურის მიერ წარდგენილი მტკიცებულებების საფუძველზე, სასამართლომ დიდი ოდენობით თანხის თაღლითურად დაუფლების ფაქტზე ბრალდებული დამნაშავედ ცნო.

ამის შესახებ ინფორმაციას საქართველოს პროკურატურა ავრცელებს.

მათივე ცნობით, რუსთავის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და თაღლითობისთვის რამდენჯერმე ნასამართლევი ბრალდებული, რომელმაც თითქოსდა საზღვარგარეთიდან ავტომანქანების ხელსაყრელ ფასად ჩამოყვანის მოტივით, რვა დაზარალებულს მოტყუებით 223 890 ლარი გამოართვა და თანხას თაღლითურად დაეუფლა, დამნაშავედ ცნო 180-ე მუხლის მე-3 ნაწილის „ბ“ და მე-4 ნაწილის „ბ“ ქვეპუნქტით და სასჯელის სახედ და ზომად 8 წლით თავისუფლების აღკვეთა განუსაზღვრა.